முல்லைப் பூவென நினைத்தேனடி உன்னை
என் முகம் கீறிப் போனதென்ன?
காதல் செய்ததெந்தன் பிழையோ? - உன்னைக்
காணத் தவித்ததெந்தன் பிழையோ?
உணர்வில் நிலைத்தவிட்ட பின்னே - எந்தன்
உயிரில் கலந்துவிட்ட பின்னே
நீங்கிச் செல்வதென்பது சரியோ? - இதுகண்
உறக்கத்தில் வந்த கனவோ?
நின் செல்லக் கரம்பிடித்துக் கொண்டு - நான்
செல்வேன் தூர தூரமென்று
வண்ணக் கனவு கண்டிருந்தேன் - நான்
காத்திருந்தேனடி பெண்ணே!
வண்ண ஓவியத்தில் நீர் விழுந்தே எந்தன்
கனவு கலைந்தது கண்டேன் !
வானம் தீரும் வரையும் என் - வாழ்வு
தீரும் வரையும் உனக்காக
காத்திருப்பேனடி உன் காதல் மீளுமென்று - நான்
காத்திருப்பேனடி உன் காதல் மீளுமென்று.
