அவர்களைப் போகவிடுங்கள்
அவர்களுக்கு ஆயிரம் காரணங்கள் உண்டு.
பேருந்தோ புகை வண்டியோ
இவர்கள் பிடிக்கக் காத்திருக்கலாம்
குழந்தைகள்
தொந்தரவுபட்டிருக்கலாம்
மூச்சு முட்டி இருக்கலாம்
முழங்காலோ
நேரமாய் நின்றுகொண்டிருந்ததால் குதிகாலோ
வின்வின்னென்று குத்தி வலித்திருக்கலம்
முன்னிருப்பவர் பின்னிருப்பவரின்
வியர்வையோ, வாசனை திரவியத்தின் வாடையோ
குமட்டியிருக்கலாம்
இயற்கை உபாதையோ
பசியோ இருந்திருக்கலாம்
உங்களுக்கு இவற்றில் எதுவும் இல்லை அல்லவா?
அவர்களைப் போகவிடுங்கள்
வைகுண்ட வாசலே திறந்தாலும்
துவார பாலகர்களிடம்
செருப்புக்கு காவலிருக்குச் சொல்லிவிட்டு அச்சப்படும்முன் ஜாக்கிரதை வாதிகள்
அவர்களை போகவிடுங்கள்
அவர்களுக்கு ஆயிரம் காரணங்கள் உண்டு
No comments:
Post a Comment